Programa 1
O folclore galego
Revisión do conxunto de artes trasladadas á música e costumes no noso idioma. O reino de Galicia, unha soa lingua.
Nas Ondas Galegas
Unha viaxe pola historia da música galega e lusófona
O PODCAST
Abella Producións presenta o seu último proxecto do ano: NAS ONDAS GALEGAS. Un podcast de dúas tempadas con 6 programas cada unha delas no que faremos un percorrido pola historia da música galega e brasileira. O proxecto vai dirixido aos melómanos da nosa influencia lusófona, por iso será presentado en galego e portugués polo noso equipo.
O proxecto que presentamos pretende crear unha plataforma web onde o idioma e a cultura de Galicia sexan o eixo para a presentación da musica galega e brasileira nas súas variadas vertentes. A plataforma pretende ser un instrumento para promover a riqueza da musica galega e brasileira e aproveitar o bo momento actual para xerar novos públicos e novos territorios para a musica producida na Galicia e no Brasil. Alén do formato informativo da web, a plataforma facilita 6 episodios, con programas producidos específicamente para o proxecto, onde serán abordados os distintos momentos e estilos da música galega e brasileira.
Os programas serán presentados en galego e portugués, coa finalidade de abrir xunto a comunidade lusófona unha oportunidade de crear espazos e oportunidades para a música e o idioma galego.
REALIZACIÓN
Os promotores deste proxecto xa viñan traballando nesta idea cando realizaban o Festival Primavera de Cine, o festival de cinema lusófono máis importante do noso territorio. O intercambio cultural e etnográfico de ambas comunidades unidas para sempre pola lingua é unha das grandes motivacións para desenvolver proxectos como o que presentamos, para difundir a música galega a través do uso de Internet, con foco na lusofonía.
Serán unha serie de episodios nos que os condutores do programa viaxarán por diferentes estilos e xéneros da música de autoría ou na lingua galega, transmitindo unha sorte de antoloxía musical contemporánea na nosa lingua. A Internet rompe barreiras e aproxima persoas e culturas, aproveitar o potencial desa ferramenta posibilitando a difusión dunha cousa fundamental para nós , a nosa lingua.
Nada mellor que a música para aproximar as persoas e despertar o sentimento da curiosidade, para buscar outras culturas e outros lugares.
As conversas e desgranamentos do contexto das pezas musicais se farán tanto en galego como en portugués.
CONDUTORES
O podcast está realizado e conducido por:
André de Oliveira: Poeta, artista visual e xestor cultural, é licenciado en Artes Visuais por Unigranrio e realizou un curso de formación para xestores públicos e axentes culturais na UERJ (Brasil). Foi concelleiro de cultura e turismo na cidade de Duque de Caxias, Brasil. Participou de diversos movementos culturais no Brasil, entre eles: o grupo cultural Utópicus, o Cineclube Mate Con Angu e a Lira de Ouro. Fundou e presidiu a Radio Quarup FM, na cidade de Duque de Caxias. Autor do libro de poesías Manual práctico para uso de obxectos sensíbeis. Actualmente vive na cidade de Vigo na España, onde actúa na produtora Abella Producións, onde xa participou das producións do Festival Internacional de Cinema Primavera do Cine de Vigo e do Galician Freak Film Festival, alén de actuar no Festival Internacional de Poesía Kerouac.
Juan de Castro: Vén do eido da enxeñería e a arquitectura, mais na última década concentra todas as súas enerxías na xestión cultural, como Experto Universitario en Xestión Cultural pola USC, e na produción de proxectos cinematográficos e eventos culturais. Presidente e capitán de Abella Producións e director do GFFF e de Cinema Miúdo de Ames. Foi convidado como xurado e programador en festivais e mostras de cinema en España e Portugal como Cinanima, FIC Verín, ou Motel X. É xestor do The Wild Fest e foi director do Festival Primavera do Cine.
Míriam P. Álvarez: Licenciada en Comunicación Audiovisual pola Facultade de Ciencias da Información da UCM. Comeza a súa andaina colaborando como voluntaria en eventos culturais na cidade de Vigo. Desempeñou a labor de Axudante de Dirección nos Festivais Primavera do Cine (2018-2019) e GFFF - Galician Freaky Film Festival (2017-2021), asumindo a Subdirección deste último desde 2022. Membro de Abella Producións desde o seu nacemento desempeña tarefas de produción, financiación, comunity manager e/ou edición de vídeo nos distintos proxectos da productora. No eido do audiovisual desenvolveu tarefas de axudante de produción e dirección en varios videoclips do grupo Broken Peach (I miss you, Late night sessions, Like a Gale…). Presenta e produce desde 2021 o programa youtubeiro Ministerio do Cinema Freak e Cinema Caníbal centrados na divulgación de cinema.
Tempada I
Unha tempada de 6 programas no que faremos unha viaxe pola historia da música galega. As orixes, os imprescindibles do folk, rock, pop ata chegar ao máis mainstream. A plataforma pretende ser un instrumento para promover a riqueza da musica e aproveitar o bo momento actual proporcionado polo actual éxito da musica galega para xerar novos públicos e novos territorios para a musica producida na Galicia. Alén do formato informativo da web, a plataforma facilita 6 podcasts, con programas producidos específicamente para o proxecto, onde serán abordados os distintos momentos e estilos da música galega.
Programa 2
O son do Camiño
Neste programa imos abordar as achegas musicais no Camiño de Santiago, as músicas e artistas que tiveran ou foran inspirados polo seu percorrido.
Programa 3
O rock galego
Quen di que no se pode bailar rock galego... Neste programa imos presentar os referentes do rock galego e amosar que Galicia tamén é rock ́n roll
Programa 4
Música popular
O galego tamén é pop, neste programa imos presentar aos artistas e músicas máis famosas de Galicia, desde a Rianxeira, pasando por Carlos Núñez, sen deixar fóra as famosas orquestras, porque hoxe é día de festa no noso podcast.
Programa 5
Os imprescindibles
Ese programa contará cunha coidadosa selección, de perlas galegas, algunhas non foron moi difundidas, mais merecen ser coñecidas polo mundo.... comezando polos nosos primos de lingua lusófonos.
Programa 6
Ollando para o futuro
Galicia mira para o futuro, sexa coa súa industria, sexa co turismo, nós queremos presentar ese futuro de Galicia e do galego a través de súa cultura e de súa música, neste programa presentaremos a nova xeración da musica galega e con ela imos romper as barreiras... as fronteiras e presentar ao mundo... o que a nosa Galicia ten.
Tempada II
Esta segunda edición do podcast Nas Ondas Galegas - Atravessando o Charco pretende viaxar cara o Brasil e a súa rica música. Queremos amosar as conexións entre o xigante sur americano e a Galicia.
Programa 1
Os primeiros sons brasileiros
Neste episodio imos amosar un chisco das raíces da música brasileira, imos presentar un pouco da música indíxena que era a música do territorio antes da colonización portuguesa e da chegada dos escravos vidos de Africa. Tamén presentaremos os primeiros artistas brasileiros e algunha música de distintas rexións. Falaremos tamén destas primeiras conexións coa música de Galicia.
Programa 2
Samba, bossa nova e outras cousiñas
Neste episodio imos presentar un pouco da historia dos ritmos brasileiros. Comezaremos pola samba, un xénero musical creado en Brasil a partir da influencia da música dous escravos que chegaron ao país. Seguiremos coa bossa nova, outro xénero musical brasileiro que está influenciado pola samba e o jazz, o xénero foi creado na zona de elite da cidade de Río de Janeiro, mentres que a samba era orixinaria das favelas. Sen dúbida, a bossa nova foi un dos grandes responsables de inserir a música e a cultura brasileiras no mundo. Tamén abordaremos outras variantes musicais como o chorinho, un prezado xénero musical pouco coñecido no mundo. Un dos dous principais instrumentos musicais da samba é o pandeiro, coñecido en Galicia como pandeireta, hai algunha conexión?
Programa 3
Rock Brasil. Um lugar do caralho
Neste episodio imos facer una viaxe polo potente rock brasileiro. Neste xenero musical non hai tantos nomes coñecidos no escenario internacional, mais Brasil ten muito artistas e grupos de rock de calidade facendo o bo e vello rock`n roll. A canción “Um lugar do caralho” de Raúl Seixas, aseméllase a unha outra galega, será que tivo algunha influencia?
Programa 4
Mistura Brasil
Forró, funk, cocô, embolada, Brasil é un auténtico caldeiro de ritmos musicais. Neste episodio imos presentar un pouco desta rica diversidade. Tamén imos abordar as posibles influencias da música galega na música brasileira.
Programa 5
Os imprescindibles
Este programa é para gozar do mellor da Música Popular Brasileira, neste episodio escoitarás unha constelación de artistas e cancións como: Tom Jobim, Caetano Veloso, Chico Buarque de Holanda, Maria Bethania, Elis Regina, Gilberto Gil, Vinicius de Moraes ... uf .... hai tantos que non creo que entren nun só programa. Buscaremos se hai algunha inspiración, inflúe o alento divino dalgunha superestrela brasileira coa música galega. Tamén falamos do paso destes artistas polo noso país.
Programa 6
Para onde vai o Brasil?
Neste episodio queremos abordar un Brasil musical que vai máis alá dos grandes nomes, un Brasil que se mestura con outros países e culturas para xerar novos produtos e perspectivas culturais. Un xigante que quere seguir sendo unha potencia cultural. Neste episodio mostraremos posibilidades e algunhas colaboracións entre artistas actuais brasileiros e galegos.